معلومات قيمة لم تعرفها من قبل !
معلومات قيمة اتوقع ما حد فيكم سمعها قبل هالمرة
أول معلومة:
هنا في الاردن بنسمي “التونة” ب “طُنّ” . المهم قبل حوالي اسبوعين كنا قاعدين انا والشباب في الشغل وبدنا نوكل وجبنا تونة أو “طن” ، فواحد من الشباب بيسأل هل التونة مفيدة زي السمك الطارج ؟؟ فأنا بقله اتوقع مفيد ﻷنه سمك. فنط واحد من الشباب وقال لأ التونة مش سمك !!!. سألته ولا شو ؟ لحم بقر يعني 
. فقال الزميل العزيز: ال”طن” بيستخرجوه من جسم الحوت وهو ليس لحم الحوت ، بيجيبو الحوت اللي وزنه أكثر من “طن” وبيستخرجو منه هالجزء ، علشان هيك سموه “طن” ..
على هالرشة بيصيدو الحوت ولو لاقو وزنه أقل من طن بيرجعوه للبحر :p
المعلومة الثانية:
الدنماركييون بيعبدو البقر. أنا فكرت انه الزميل العزيز “بدون ذكر أسماء” بيمزح ولا هو بيحكي عن جد ومصر على رأيه . شكله تأثر بدعايات لورباك
اتمنى انكم استفدتو من هالمعلومات القيمة وبوعدكم بالمزيد ونعم نحو موسوعة عربية معلوماتية شاملة
على راسي ابو طريق عن جد معلومات مفيدة بهنيك على الشباب الي عندك ومش غلط تستفيد منهم!!
13/3/2008